الهيئة الشرعية لتأكيد رؤية هيئة شرعية اخرى ... كل عام و انتو بخير

كل عام و انتو بخير


انا ما كنت اتمنى ان العيد يكون باجر

لكن الحمدالله ان صمنا هالسنة

و انشالله يطول بأعمارنا و اعماركم علشان نصوم
كل سنة

سبحان الله , العيد مشكلة عندي يضيق الخلق بعد الساعه 12 الظهر
و هذي عادة قديمة عندي

المشكلة تبتدي من 13 رمضان و مع بداية القرقيعان ... يبتدي العد
العكسي عندي لي ساعة الكآبة عصرية العيد

عصرية العيد


كل عام و انتو بخير

احبكم

مانتوفاني

عالم ثاني

مدونتي العزيزة

رواد مدونتي الكرام

مع ضغوطات العمل , و الالتزام بالشهر الفضيل لا املك سوى ان اهديكم كلمات جميلة
لا تضاهي جمالكم ... الى الملتقى بموضوع جديد .

سرى حبك

من يوم اخذتي الشمس

لو أضيعك يوم

عذبة انتي

مع مغيب الشمس



مانتوفاني

المتهم بريء حتى تثبت ادانته

ماشالله

رمضان هالسنة مختلف تماما يعني برامج غير و مقالب غير و كامرات خفية شكل ثاني و اخبار غريبة
و زلازل ... غبار و رطوبة بنفسس الوقت و هم يطق مطر ( تبارك الرحمن )

مابي اتكلم عن المسلسلات (( لتجنب الملل الذي اصابكم )) لول , لكن كل سنة بنقول هالسنة غير , الوضع يرجع لي ورا

الله يعافي سلومي و موقعه اللي عرض لنا اسد الجزيرة اللي منعوه علشان (الصج) يزعـّل

======

ما علينا

مسألة ان رجل امن يغازل بنات ... قلنا عادي شالمشكلة اهو مو ياي من المريخ , بعدين بناتنا الله يهداهم اهم اللي يحكونها على النجوم
و قلنا ميخالف .

رجل امن يخالفك و يهزأك و يخليك تحس انك كلب ابن كلب لمجرد ان عنده مشاكل بالبيت

لكن توصل المسألة لي العبث بأمن الدولة !!! طيب شلون و ليش و حق شنو ؟؟؟

السالفة اللي تداولتها وسائل الاعلام و سوت ضجة من يومين و كان بطلها ضابط في امن الدولة يمسح الممنوعين من دخول
البلاد من انظمة الداخلبة , بمشاركة احد الضباط المسرحين عن الخدمة

طلع في معاهم بطل يديد ... اخو محافظ البصرة اللي يمنا على طول ...

طيب هذيل شنو يستفيدون ؟

فلوس طبعا ... حسب وسائل الاعلام يقولك 6000 د.ك على الراس ... يعني لو يدخل 10 اشخاص راح يطلع 60000 دك

يعني اللي خلى الضابط هذا يخون الكويت اهو الفلوس (بزنس)

على فكرة ... وضع العسكريين بالكويت محتاج اصلاح و تعديل
لان العسكري بالكويت مشكلته مشكلة ... مستهدف من تجار المخدرات
و مستهدف من مكاتب التكييش , و مستهدف من البنوك @@

نتسائل ليش (وايد) عسكريين عليهم بلاك ليست من الشركات و البنوك و ملاحقين و غير منتظمين بالسداد ؟؟
ليش اهل التكييش يعتبرون ان العسكري صيدة دسمة و وجبة مغذية لهم ؟؟؟

طيب ...

انا اشوف من وجهة نظري ان العسكري بالكويت معد و مجهز ماديا (مسدس + رشاش+ بدلة + دببات + ف18 + اباتشي)

لكنه يواجه صعوبة في الادارة المالية (الا ما ندر) ....

شنو الحل ؟

المشكلة ان العسكري في مرحلة (الدراسة) العسكرية يكون فكرة محصور بالآتي : سيارة + سفرة قوية + عزيمة قوية
نتيجة للكبت اللي يعانيه في هالمرحلة ... و يتسلف من البنوك و مكاتب التكييش ... و يخربها و يقعد على تلها

انزين ... البنك ياخذ 50 % من الراتب ... و بو فلان موقع على كمبيالات حق بو علان

اخر شي ما يبقى من راتبه ( متليك )

و بعد سنتين بالكثير يصحى ... و يقول بتزوج (علباله الحل الجذري)

و تتعقد الامور اكثر لان الزوجة تتدبس بعقلية الاخ ... و تصير استهلاكية (بقصد او بدون قصد )

و تتدحرج كرة الثلج

لما توصل الى مدى سيء و يسقط في شباك احد او بعض الاتي :

1- موزع مخدرات

2- بلاك ليست

3- شيكات بدون رصيد

4 - اخو محافظ البصرة

5 - استخبارات دولة اخرى

6 - مشاكل اخرى .... الخ الخ الخ



حل المشكلة يجب ان يكون توعوي لمجرد التحاق الطالب بالمؤسسة العسكرية
و ان يتم تنبيهه على المخاطر (الغير مسلحة) عليه

هذول عيال الديرة ... مو غرب

شدعوة !!!


اللهم احفظ الكويت و شعبها و اميرها من كل مكروه


مانتوفاني


.

اللهم تقبل صيامنا و قيامنا و الف بين قلوبنا

اخوتي اخواتي الاعزاء

مبارك عليكم الشهر

اتمنى لكم صياما مقبولا

لا املك اليوم سوى ان اهنئكم على
قدوم الشهر الفضيل بقلوب نظيفة

لا تنسوا فعل الخيرات

لا تنسوا اداء الفرائض


لا تنسوا مانتوفاني بالدعاء



مانتوفاني