الكويت الان

الأربعاء، 30 يناير 2008

افـــــا يا فـــــــــــــلان

تركت اهلي ...

تركت اهلي و تبعتك في بحر غبّة
و قلت ريلي على ريلك ...
و لا ابغي شي في دنياي
غيـــــر اســـــمع مـــــواويلك ...

عــطيـتـك بالدجـــى عـــيني
و قـــلــت يا فلان شــــوف بهــــا ...
و خذ جفي قبل لا تدخل الهيرات
افتل من ضحك عيني حبل للقوع شد بها ...

و هذي الروح ... ما هي بروح
لو عاشـــــت و لا احــد اســـتفــاد بها ...

تبعتك في بحر غبة
و كان اسمك يبرحني ...
و كان صوتك يفرحني ...

و كــــان ... و كان
افــــــــا يا فـــلان

بعد كل هالتعب
اتيي و تجرحني ...
بعد و تقول سامحني ...

شسامح ؟؟
و انت بنابك تصافح !!
و جدرك بالجذب طافح !!

احسك بالظلام ...
تنهش لحم جتفي ...

و انا اشوفك ...
وبقعة دمي بجفوفك ...

و ارد اسمع حجي ...
مـــا ينطقه انسان ...

افا يا فلان ...
افا يا فلان ...

علي الشرقاوي





هناك 9 تعليقات:

غير معرف يقول...

وهههه
ما قصرت

صار لى دهر ادورها و مادرى من له و بس اعرف شوى منها

انفذتنى
:)

mantovani يقول...

براقش

مرورك الكريم على مدونتي يعتبر وسام شرف من الدرجة الاولى و اتمنى الا تنقطع هذه الزيارات الكريمة ...

بالمناسبة , لحنها الفنان المبدع خالدالشيخ و غناها الفنان القطري علي عبدالستار

لكن خالد الشيخ ابدع لما دندنها عل عود

http://www.khalidalshaikh-fans.com/music_library/3ood/afa_ya_flan.ram

اهداء

غير معرف يقول...

اخجلتم تواضعنا
:)

لا . الله لا يجيب قطاعة

و كثر من المقالات الحلوة هذى


مشكور على الاهداء و نردها لك بالافراح

:)

乂♥Not.ViRGo♥乂 يقول...

كل شاعر بحريني متواضع
و كلامه يحاكي القلووب

اشترك بهالكلمات مع الشاعرة فتحية العجلان في الثمانينات

ثانكس على النقلة :)

vancouver يقول...

مانتوفاني


الله الله الله الله على هالقصيدة

لو تعرف بس اشكثر انا واختي نحبها وتاثرين فيها
نتجابل ساعات على البحر انا وياها واقعد اسمعها وهي تقولها وباللهجة البحرينيه بعد هههههه
وااااااااااايد احبها ووووايد تعور قلبي
ما احس في قصيدة عبرت عن شعور المغدور مثل هالقصيدة

مشكووووووووووووور وايد انك حطيتها
واذا اول زياره لي لمدونتك الكريمة اشوف هالقصيدة بالذات عيل بنصير ربع واصدقاء

مشكوووووووور على ذوقك واختيارك
اتمنالك التوفيق يا خوي
:)



هالمقطع اهوه المفضل عندي:)

عـطيـتـك بالدجـى عـيني
و قـلـت يا فلان شـوف ابها ...

و خذ جفي قبل لا تدخل الهيرات
افتل من ضحج عيني حبل للقوع شد ابها ...

وهالمقطع اشلون انكتب ماادري عجيييييب
...
شسامح ؟؟
و انت بنابك تصافح !!
؟؟؟

مشكوووووووووووووور

بولمعه يقول...

مشكور على التشجيع

مممممم علي عبدالستار

هم نسفته غريبه تذكرني بدعاية

زبدة لورباك

اتعب على الهيرات

فتى الجبل يقول...

مبروك على المدونة اليديدة

mantovani يقول...
أزال المؤلف هذا التعليق.
shosho يقول...

خارج الموضوع
اتمنى لك تدوين سعيد

و أغبطك على إلنكنيم
mantovani من الموسيقيين المفضلين لدي