بعد التحية
اذا الله شاء , و تمت الانتخابات بموعدها اللي اهو السبت 17-05-2008 لي امنية بسيطة و اهي وصول
الكفء من المرشحين من الكويتيين ...
نحن في الكويت ملينا من الاسطوانات المشروخة و الانانية اللي هزت ثقتنا بالبرلمان الكويتي
اقدم برلمان في المنطقة يضم اعضاء يفكون الخط فقط لا غير !!
اقدم برلمان في المنطقة يضم مشتري الاصوات ؟؟؟
اقدم برلمان في المنطقة يضم ناقلي الاصوات !!
اقدم برلمان في المنطقة ينام على الفساد و يدندن على وتر الحرب عليه !!
اقدم برلمان في المنطقة يوزع بياجر و موبايلات و سيارات و معاشات !!
اقدم برلمان في المنطقة مرشحيه (من مشتري الاصوات) حضورهم مرعب في المهرجانات !!
اقدم برلمان في المنطقة اعضاءه وقتهم مخصص لقضايا هامشية ... هامشية !!
اقدم برلمان في المنطقة به اعضاء فازوا مسبقا بانتخابات فرعية مجرمة في القانون !!
اقدم برلمان في المنطقة يسمح بنزول متكرر لسفهاء و مجانين مسيئين للمسيرة الديمقراطية !!
اقدم برلمان في المنطقة ......
لنغير ... لنجدد ... لنقدم شيء مفيد للكويت ... لنرتقي بخياراتنا
لنقدم شيء للمرحوم بابا سعد الذي ودعناه في الايام الاخيرة
لنقدم شيء للآباء ...
لنقدم شيء للامهات ...
للشهداء ...
للمساكين ... المستضعفين
ليكن صوتكم صوت حق ينتصر للجميع
لا للرشوة ... لا للقبلية ... لا للطائفية
====
بالنهاية كلامي اعلاه كلام مستهلك و ماخوذ خيره ... خلونا نشوف باجر شنو راح يصير
مانتوفاني
الاشتراك في:
تعليقات الرسالة (Atom)
هناك 14 تعليقًا:
أحب الديرة مفتوحة..
على كل طيف أو ملة
وأحب الديرة تتشافى..
ولا تبقى أبد علة
وأحب اللي يمشيها..
بدرب الحق..ويدله
وأحب اللي حريص يكون..
و يقدم لها حله
ولا يجامل ولا يحابي..
و ماله في البلد "شلة"
أحب اللي يحبها موت..
والدستور ما يذله
ولو الدائرة وحدة..
أبعطي "صالح الملا"٠
وضّـــاح
نتمنى ...
الله اوفق الجميع
معارض
ابيات معبرة و جميلة للشاعر وضاح
اشكرك على نقلها في هالاوضاع
تحياتي لك
مانتوفاني
فلفل الكويت
اي و الله نتمنى ... بس جنه ماكو شي
مانتوفاني
قطوطة
لا و الله , الله يوفق بس الزين مو الجميع
شكرا على مرورج الكريم , و تحياتي لنيتج الصافية
مانتوفاني
إحنا عشقناها وعشقناك وايد يا... صالح الملا
مبروك للجميع
mu3aratha.blogspot.com
صار الي صار شنو رايك
:)
salamz dear...
يعطيكم العافية على التفاعل
انا كنت في اجازة بعد الانتخابات
و رديت الحمدالله
مانتوفاني
هلاو باك :)
ما اني واصله متاخر عن الموضوع
عيل بسالك .. ها شرايك بالنتايج ؟!
ولد الديرة
هلاو بك هلاو
مدونتك قبل احلى
بس يكفي انك حلو
مانتوفاني
سيليزية
مساج الله بالخير
لا يبا مو متأخرة
بس النتايج الحمدالله ريحتني و اكدتلي
ان الكويتيين يختارون ... و ان الديمقراطية لا تزال موجودة
لكن اذا كان سؤالج عن نوعيات الاعضاء
فجوابي راح يكون اللي بالجدر يطلعه الملاس
و ما اعتقد انهم احسن من اللي قبلهم
مانتوفاني
حمدالله على السلامة منور بالرده
salamz dear...
إرسال تعليق