قلعة في جنوب سويسرا , مشيدة على مرتفع , تحتوي على فنادق صغيرة جدا
و كلاسيكية , و تشتهر بصناعة الاجبان و هذا مبرر كافي لوجود مطاعم تقدم
الجبن الفوندو , بالاضافة الى اطباق لذيذة جدا ... الكل جربها بالنهار
انا قعدت فيها لما الليل ... تستاهل العنوة
ملاحظة مهمة ماراح تلاقون صور للجبن الفوندو بهالبوست ... لاني كنت غاطس بالماعون
بكل الصور
مانتوفاني
هناك 34 تعليقًا:
تصوير عجيب
بس الصورة اللي قبل الاخيرة هذي شنو؟
السلام عليكم
ماشاء الله عليك بالعافية على هالرحلة الحلوة المشوقة
لاا نا حاطة في بالي اروح ان شاء الله
سويت بحث بسيط عن المنطقة
وشفت انها تسوة الواحد يروح لها
كافي انها مدينة صناعة الجبن
وعلى فكرة
موضوعي الاخير صار جاهز على المدونة
الصور اغلبها موجودة بالموضوع الجديد
وباقي الصور تشوفونها على الفليكر
وموفق اخوي مانتوفاني
:)
:)))
روعه ,,,
يا سلام عليك
مدونه تفتح النفس
الجبن الفوندو
مع شنو ينوكل؟
سيكرت
طال عمرك اللي بالصورة اللي قبل الاخيرة هذا عنكبوت جابلته ربع ساعة
قاعد اقول و الله فرق ,,, عنكبوت
عايش بالبراد ... و العناكب اللي
عندنا مساكين , يسوون بيوتهم
و الغبار يخربها ... ما تصيد حتى بقة
مانتوفاني
منال
تحياتي ... الصور روعة
و انا كتبت رايي فيهم
بصراحة في مدونتج
و مشكورة على المتابعة
:)))
مانتوفاني
الصور زووغه مشالله عليكم بالعااافيه
salamz....
صبا
حاضرين للطيبين :)
و انشالله دايما نفسج مشروحة
عاد الواحد عقب ما يشوف هالمناظر
يبيلة ستيك من اللي بالي بالك
:)
مانتوفاني
كلة مطقوق
طال عمرك
اييبون لك جدر صغير تحتة شمعة فيه
جبن فوندو
و سلة فيها شرايح خبز فرنسي
و سلة بطاط صغار مفيوح
و هات يا تغمس
طبعا الامر لا يخلو من حكوكة جبن
و بالهنا و الشفا
مانتوفاني
خروووفة
الله يعافيج
و انشالله اجازتج هالسنة نبي
نشوف كامرتج شنو فيها
مانتوفاني
والله تمام سويسرا
مريت زيورخ؟
هل تسوى العنوه ولا لأ؟
حسام بن ضرار
تحية جميلة و شكر جزيل مقدما على الزيارة ...
بالنسبة لمدينة زيورخ
مدينة تعتبر من الحزء الالماني
من التركيبة السويسرية
جميلة مدينة زيورخ , و لكن طبيعة سكانها الجفاف في التعامل (سمة المانية)
و تجد عكسها تماما في جزء الالب السويسري او الجزء الفرنسي من سويرا
سويسرا تستاهل العنوة ... انصحك
تأجر سيارة + جهاز ملاحة جارمن
و راح تستمتع
مانتوفاني
mantovani:
مشكور على الترحيب
وانا اللي اتشرف بزيارة بلوجك
بغيت اسألك، انا مسافر مع العايله و بسكن جم يوم في شتوتغارت بألمانيا ان شاء الله قريب الحدود الفرنسيه و السويسريه
شنو يمي قريب بسويسرا غير زيورح و يسوى العنوه مع اليهال؟
و تسلم
loved the views
Europe is an amazing place ..
i wanna go :(
لا تتحرش فيني
تري بسرعه يطقني اليوووووووووع
:P
وسلملي
علي
ام العيال :)))
حسام بن ضرار
العفو اخوي ...
شوف طال عمرك , زيورخ اقرب مدينة كبيرة نسبيا راح تكون على طريجك , و انا حسب وجهة نظري اشوف ان المدن الكبيرة بسويسرا راح تكون بعيدة شوي اذا حاب تقضي يوم كامل بزيورخ
اما اذا بتقعد في زيورخ اكثر من يومين ثلاث ... انا انصحك تروح لوزيرن و المدن الصغيرة القريبة على زيورخ
و اتمنى لك عطلة سعيدة
مانتوفاني
فمنست
و الله انا اللي ودي اروح ...
ممكن سلف 10000 دينار ؟
مانتوفاني
صبا
عيل تمقلي بالستيك عدل و قوليلي
نقاط القوة فيه و نقاط الضعف
لوووول
==
يوصل انشالله
مانتوفاني
الصور تشوووووووووووووووووق
اشكرك مانتوفاني
فعلاً اقنعتني بسويسرا
مانتوفانييييييييي ..
متى تسويلنا رحله لقروووب المدونيين حق هناك ؟؟؟ ;q
الصورر رووووووعه ..
يعطيك الف عافيه ..
ما شاء الله
روووعه الصور
يعطيك العافيه خيوو :)
يا سلام عليك
!
ادش مدونتك مبتسمه
واطلع مبتسمه
عليك بالعافيه
وشكرا لانك سمحت لنا مشاركتك هذا الجمال
:)
شلالات
الصور توصل لج بس 00000.1% من روعة المنظر ...
اشكر زيارتج لا تقاطعين
مانتوفاني
حسام بن ضرار
العفو اخوي ... اتمنى لك اجازة سعيدة
مانتوفاني
كويت
مستعد اسوي لكم رحلة
ابي 25000 د.ك
و عطيني كشف بأسماء المدونين و المدونات
اللي تبين ناخذهم معانا
مانتوفاني
قلب طفلة ...
حياج الله و ادعيلي السنة الياية
اروح و اصور لكم صور احلى
مانتوفاني
استكانة
تعليقج مشكلة ...
مادري شنو ارد عليج , بس شكرا لج
انا بصراحة سعيد جدا لاني اقدر ارسم
الابتسامة على وجه انسان ...
اما بخصوص الصور ... بعدج ما شفتي شي
حياج الله و لا تقطعين
مانتوفاني
زوجي ...
كل عام و انت بخير و انشالله العمر كله بسعاده يا رب ...
اتمنى في عيدنا الثالث ان يرزقنا الله بالذريه الصالحه ..
p.s
قولوله اوديني سويسرا شهر عسل 3
هلا والله بمرت اخوي :))))))))))))))))
كل عيد زواج ونتو بخير انشالله
والعمر كله ويا بعص والله لا يفرقكم
عن بعض :))
اشوف مدونت مانتوفاني منوره اثاري نورج يالغاليه!!!
وعسي الله يرزقج انشالله يارب بالعيال ويصير بيتكم روضه وماتلحقون عليهم قولي امين
وبعدين توكم ما صار لكم 3 سنين اشلج بالصيحه والدوخه
خليكم جذي فري وعيشو شهر عسل علي طول .....واليهال انشالله يايين بالطريج :))))
ودها اي مكان تبي والي بخاطرها
دللها يا خوي
ولا تحاتين اهو قايل بوديج سويسرا
مو مخلي احد بالكويت مو قايله
P:
؛))))))))))))))))))))))))
تطمني :))
بوديج
تحياتي يالغاليه
:****
غير معرف
اثبتيلي انج زوجتي ... كلمة السر !!
كل عام و انتي بخير و صحة و سلامة
مانتوفاني
صبا
خو انا خلاص اطلع منها مو ؟؟؟؟
===
الحقيقة زوجتي سعيدة بالكلمات اللي
وجهتيها لها , و بصراحة احنا نهنيج
على قلبج الابيض و عاطفتج الصادقة
مانتوفاني
منتوفاني
تاخرت في تعليقي على هالصور العجيبه
لان لاب توبي تفرمت
القلعه عجييييييييبه
انصحك في المرا اليايه اذا بتروح تاكل فوندو ألذ فوندو
اول مطعم على ايدك اليسار و انت داش القلعه
تدخل دااخل كلش تقعد في المطل الي على الوادي عجيب
و لا يطووفك الستيك عندهم ..
ترا لي الحين ما دليتني مطعم الستيك اللذيذ وين؟؟
مطقووووووق
الفوندو ينوكل ويا خبز و بطاط
لوير - المحامية
بالنسبة للابتوب مالج
الحمدالله على السلامة,
و فعلا احلى مطعم , اللي موجود
على اليسار و اللي يشتغلون فيه
عيايز يضحكون
و الطلة خطيرة اللي على الوادي
بالنسبة للمطعم امهليني جم يوم
و اطلع لج مكانه بالضبط
مانتوفاني
إرسال تعليق