الكويت الان

الجمعة، 4 يونيو 2010

يا هلا و الله غزة ...

مساء الخير مدونين و مدونات ,,,

مساء الخير على من تبقى منكم في هذا الفضاء الجميل ...

في بداية الامر , قلبت اوراقي و متعلقاتي الشخصية و لقيت مدونتي العزيزة تنتظر نشر اي كلمة , سطر , موضوع .. الخ

و بعد الحاح (ذكي) و مبرمج من احد الاصدقــــــــــــــــــاء جاءت النتيجة لصالح كتابة هذا الموضوع

المهم ...

شخباركم ؟

--------

موضوع غزة موضوع يفترض انه يكون خالي من المزايدة و التكسب ايا كان نوعه

لكن اللي صار خلال الايام الماضية كان شيء غريب ...

اسطول مساعدات ينطلق من تركيا يهدف الى كسر الحصار الواقع على غزة محمل بالمواد الاساسية و بشر من مختلف الجنسيات

الموضوع ما عجب الاسرائيليين و بالمياه الدولية عملوا عملتهم السودة و سووا الانزال و القتل الغبي

انا ماني فاهم اسرائيل هل هي دولة ذكية و الا دولة غبية !!

اسرائيل في مثل هالموقف كان يفترض عليها انها تأسر كل المشاركين بالحملة و تعاملهم معاملة خمس نجوم !

نعم .. معاملة و خدمة خمس نجوم و ان تعكس لهم مدى التحضر .. حتى لو بالتمثيل ,,,

لكنهم اغبياء شوي ....

مو هذا موضوعنا ,,,

16 شخص ما بين رجال و نساء (كويتيين) ركبولهم سفينه و كانوا يبون يوصلون المساعدات

انا ما اقول ان مساعدة الغير امر صحيح او امر خاطئ , لكن ماذا وراء هذي الخطوة ؟؟ سفن اخرى ؟؟؟ ضحايا اكثر ؟؟

الذهاب في مثل هذه الاساطيل المعزولة امر اشبه بالانتحار امام اسرائيل

و اللي زاد الطين بله ... خواتنا الكويتييات اللي رايحين على متن السفينه ...

الشرهة مو عليكم ! الشرهة على اهاليكم و على اللي تتكسر عنده الغارية على شاطئ ازدواجية المعايير

الواضح في الموضوع ان اغلب الناس اللي على الاسطول ملتزمين دينيا ... ما سألوا هالبنات (منو محرمكم ؟؟)

باستثناء البنت اللي مع والدها ...!

المهم

الحمدالله على سلامتكم ... و بلاش طيش و حركات انتحارية

ترى الغزاوية لو يبون ينهون هالحصار جان ختموا هالمسرحية اليهودية الحماسية من زمان

mantovani

هناك 22 تعليقًا:

Blog 3amty يقول...

المونت:

الحين المحارم يات لي سفره غزّه وحبكتها، البنات يروحون شرق وجبلة ما أشوف أحد تكلم ..

والنيّه بالنهاية تكمن بقلوب الـ 16 كويتي، والله يعطيهم على قدر نواياهم ...

غير معرف يقول...

بس على فكرة للتوضيح
سندس العبدالجادر مو بس اللي إهي معاها محرم
ترى كل الحريم كان معاهم محرم بس وين اللي يبحث عن الحقيقة وما يدور الغلطة
سنان الأحمد زوجها الجارالله
ونجوى العمر معاها ولدها عبدالله الإبراهيم
ومريم اللقمان معاها أخوها أحمد
هذول اللي أعرف أنهم محارمهم والباقي يعني منى ششتر فإهي موظفةفي مهمة رسميةعن طريق كونا وأنا ما أدري منو محرمه

فأعتقد الموضوع انتهى بكشف المعلومة اللي عشانه انكتب
ونصيحه السؤال قبل الكتابه عشان الواحد ما يحط نفسه في مواقف بايخه
ويسوي نفسه فاهم

فريج سعود يقول...

بالضبط هذا السؤال الي سألته حق نفسي

وين محارمهم

خصوصا الي نزلت تأشر جنها ماخذه كأس الخليج

mantovani يقول...

بلوج عمتك :

ازيدك من الشعر بيت ...

قاموا يروحون شرم الشيخ جطل !


و الله العظيم و الله يشهد على نيتي اني مو قاعد اتصيد على الناس و لا ابحث عن اي ثغرة على الموضوع.

انا من اشد المؤيدين للتضامن الانساني , خصوصا مع المرضى و الجوعى
و العطشى ...


لكن الخوف على النساء من العدو الصهيوني سيطر علي بطريقة مزعجة

=====

اتمنى ان تزيد المساعدات الانسانية لكل الاتجاهات المحتاجة , و خصوصا للمسلمين على وجه الارض و العرب ايضا

و من ثم الانسان بغض النظر عن دينه و جنسه ... الخ

=====

و اللي يسترزق من وراء آلام الأنسان و جراحه ... الله يجعله في اسوأ حال

مانتوفاني

mantovani يقول...

غير معرف ...

بما انك مستحي تتكلم بأسم مدونتك
قد تكون خايف و مستحي من موقفك

هيا الشطي منو محرمها ؟؟

و منو فاضي يتصيد على ناس رايحين
بمهمة خيرية , احنا خايفين عليهم

و منو فاضي يسوي روحة فاهم و الا يحط عقله بعقل واحد مثلك , و غيرك الكثيرين من السخفاء


مشكلة التدوين انه مثل غطاء البالوعه

اذا فتحتها طلع لك الغير معرفين بألفاض سخيفة و باردة تنم عن شخصانية بالخصومة و الخلاف

====

الاخ النكرة الغير معرف

تعلم ثقافة الاختلاف و الخصومة قبل لا تدخل المدونات علشان لا نسمعك كلام بايخ , و نطلع بشكل بايخ ...

تجنب تقول حق الناس نصايح فاضية و تحجر على اراء الناس

و يالله الحين اقلب ويهك

mantovani يقول...

فريج سعود

احييك يا زميلنا التدويني القديم ..

يا اخي مستانسين و يبتسمون للكاميرات
و فخورين جدا ... بدون لا يوصلون ابرة للفلسطينيين المساكين

الله يعطي الواحد فيهم على قد نيته

@alhaidar يقول...

الحمد لله على سلامتك اولا :)

وثانيا نقول الله يعطيهم على قد نيتهم ..

ومع تقديرنا واحترامنا الشديدين لعملهم البطولي بس برايي الشخصي المرأة أصلا ماكن لازم تكون موجودة .. سواء مع محرم أو بدون ..

يعني لا سمح الله لا سمح الله سوو فيها شي .. وهذول صهاينة مثل ما اللي رايحين اكثر منا يعرفون يعني ماكو رحمة عدوة وطاحت بيدهم (سبية) شنو بيكون الحل ؟

وشنو اضاف وجود المرأة كمرأة للعملية ؟

عموما الله يعطيهم العافية ويرزقهم على قد نيتهم .. وبكل الأحوال ما نقلل من قيمة وتأثير عملهم هذا..

تحياتي ..

حياتي هدف مو عبث يقول...

اللي أستغرب منه إنه في بالكويت
ناس محتاجة للمساعدة سواء كانوا كويتين ولا وافدين أو حتى بدون
بنظري هذول يحتاجون للمساعدات أكثر من أي دولة برا بالغض عن مكان الدولة
وعشان لحد يعوّر راسي حتى لو السعودية
الإنسان يبي يساعد خل يعرف معنى الإنسانية
أولاً ..
وفي مسألة البنات ..
مو يقولون هذول يهود ومجرمين وووو ..
شنو تسوى عليهم لو معتدين عليهم وامصورينهم وحطوا صورهم
ولحد يقول معاهم محرم ولا في رجال معاهم
اليهود معاهم أسلحة بثواني ينهون صياح الرجال ودفاعهم ..

أتمنى إن كل إنسان يطبق
الأقربون أولى بالمعروف ..
بدال لا يطقون درب ويسوون لنا موضوع
كأنه جديد وشيء مستغرب

illusionist يقول...

welcome back
:)

why me يقول...

انت رجعت


ولكم باك




وبعدين باختصار

شموديهم؟

الزين يقول...

مطول الغيبات

:)

سؤال خارج الموضوع
اللي نصحك والح عليك ترجع تكتب شعلومه
ليش معتزل الفن بالله


نرجع للموضوع
بنات الطيبين اللي راحوا ما يدرون ان اجرهم بالحفاظ على انفسم كبنات ابرك

انا استغرب من اللي يقول هذي شجاعه
انا اشوفها شجاعه غبية وتهور


ليش ما فكروا يسوون نفس الحملة لمنطقه من مناطق الكويت المليانه بدون
واللي ما يملكون الدينار
وخل يشوفون العجب العجاب هناك من الحاجه والفقر والإنكسار الإنساني
ليش طاقين لي دروب

ليش اهل غزة فيهم اجر
والبدون ما فيهم اجر
!!

ولد الديرة يقول...

Mantovani

هلا بالطيب الغالي :)

mantovani يقول...

احمد الحيدر : الله يسلمك اخوي ..

رايك منطقي و ما اقدر اضيف عليه شي

و انت من الناس اللي تنور مدونتي
في الاحوال العادية

مانتوفاني

mantovani يقول...

حياتي هدف مو عبث :

شفتي شلون ؟؟؟

انتي شخبارج , و شلون الصحة ؟


مانتوفاني

mantovani يقول...

illusionist

على راسي و الله ولو اني ما عرفت انطق اسمك ... بس مشكور على الكلام الرقيق

mantovani يقول...

واي مي ...

اي و الله رجعت و انشالله نشوف الشيب وياكم

مانتوفاني

حياتي هدف مو عبث يقول...

بخير الحمدلله .. عساك بخير ؟

mantovani يقول...

الزين : ياب الغنايم

صديقي هذا مشكلة عنده مشاريع جباره
ممكن تخرب بيت المدونات على المدونين
انا اعرف شلون اخليه يكتب

و النسبة للموضوع انا معاج 100%
و مافي زيادة على كلامج , لكن منو يعتبر ؟

المهم حياج الله و الساعه المباركة

مانتوفاني

Purplecious يقول...

انا دشيت اكثر من صفحه و اسمع "مرني مرة فرح" و مادري من وين مصدرها .. لما وصلت لقيت الموضوع كلش مو ماشي مع المود اللي دشيته .. عذرا و شكرا على الاغنيه الرائعه

قلب طفله يقول...

شخبارك حجي :)
مبارك عليك الشهر و لا طول الغيبه :)

Ra-1 يقول...

من زمان عن بلوقك!
بس حبيت اسلم :)

Unknown يقول...



thx

مؤسسه تنظيف