الكويت الان

الأربعاء، 6 فبراير، 2008

من هنا وهناك ... عالم جميل

علي الراشد :
النائب المحترم علي الراشد و مجموعة من النواب المحترمين قدموا اقتراحا بالغاء قانون منع الاختلاط
و هذا الاقتراح هو " أرقى و اعقل و انظف " اقتراح منذ مدة طويلة بعد سلسلة من " الترهات Bull shit "
اللي قاعدين نشوفها هالايام في المجلس , خصوصا ان الجيل الحالي في انحدار مستمر بعد انحسار مفهوم الزمالة و العلاقات
المحترمة بين الجنسين ...
النائب علي الراشد تلقى اتصال يتضمن تهديد ... انا اقول حق الاخ اللي هدد النائب : يا اخي حرام تحط نفسك في
محل مسائلة قانونية , التهديد بالقتل شيء قد يضر في مستقبلك و حياتك ... و لا اعتقد انك مستعد ان تحرق قلوب اهلك
بهذه الطريقة العشوائية , و الله يهديك اخوي
----------
المدونات و الرقابة :
لا اعتقد ان المدونات تنشر افكار تؤجج العنف و تزعزع الامن في البلد , الرقابة على ماذا ؟؟
1- ارشيف مطقوق ؟؟
2- تحديثات ام صدة و بيت القرين و الكوت ؟؟
3 - رومانسية ولادة ؟؟
4- رحلات فانكوفر؟؟؟
5- سوالف براقش ؟؟؟
6- خفة دم ليل الين ؟؟؟
7- فناتق في كويتي؟؟؟
8- ملاقتي ؟؟؟
هل هذي الامور تستاهل ان يتم تعيين ناس تراقبها ؟؟؟
هل سيقاد مطقوق الى مكان ما بسبب موضوع المذهبين ؟؟؟
هل بيت القرين ستعذب مثل سعاد حسني في الكرنك ؟؟
هل سيتم استدعائي لان عنواني فيه casino ?? و الكازينوهات ممنوعة بالكويت؟؟
اتمنى اعادة النظر في هالقرار العشوائي لان المدونين همهم الكويت و بس
---------
المدونة بيت القرين :
الدعاية الكريمة اللي كانت في البوست السابق
وسام , و شرف , و دعم للتدوين
و قمة الرقي ان الانسان يدعم اخوه الانسان بكلمتين مهما كانت بساطتها
و لازلت اقول بالفم المليان : لم ادون لولا وجودكم جميعا
-------
مطقوق :
مواضيعك الجريئة تحتل مرتبة اولى من الاهتمام
و الى الامام
-------
فانكوفر Vancouver :
من المدونات التي تحاكي الشعور بنعمة الوطن
من خلال الاغتراب التي تعاني منه هذه السيدة
التي قررت ان تدون مشاهداتها في الغربة
لتحول السلبيات الى ايجابيات
ادعوا الله القدير ان يزيدك قوة و قوة في مواجهة الغربة
و وراء كل رجل عظيم ... مدونة :)
---

هناك 5 تعليقات:

Q80 Blogger يقول...

صراحة قانون على الماشي

بس اذا بيطبقونه .. انا مستعد اكون عون

دامي مدمن على متابعه المدونات .. استفيد اشوي من المتابعه .. يعني الي مايعجبني افتن عليه

ومو قصدي براقش تره :)

يعطيك العافيه
هذا اول مرور لي عندك
وان شاء الله مايكون الأخير

kila ma6goog يقول...

اشكرك حبيبي

سيكون لنا وقفة جادة مع موضوع الرقابة بس خل اخلص من سالفتي الحالية

انا شخصيا امر بضائقة مالية فبدل ما يحطولي رقيب خل يعطوني 500 بالشهر و مستعد ابطل كتابة

لووول

مــعـــارض يقول...

تحترق القلوب، وتدمع العيون... ولا تزال كويتنا تنزف من غزاة التخلّف!

آن الأوان لنهضة "كويتية" صادقة وأصيلة لردع زمن القردة الذين غزوا الكويت الجميلة بثقافتها وفنها ورياضتها وتعليمها واقتصادها وعاداتها وتقاليدها ودينها وشعبها... وريادتها!

على نفسها جنت براقش يقول...

الحين لو يراقبون المدونات

شنو يستفيدون؟؟؟؟

اكو الف طريقة و طريقة الواحد يقدر يقول رأيه


يبون جيل يفكر و الا ينقاد

الناس تمشى الى الامام و الا ورا

ما يبون ناس قياديه لها القدرة على اتخاذ موقف

ما يصير

انا بصراحه احب المدونين
ايبون الزبدة بكل المواضيع احسن من الجرايد
لا و الفضايح كاملة

:)

بس على ما السالفة تمشى يبيلهادهر

و اللى ينسجن
اكلة و الزقاير على

:q

vancouver يقول...

بعد جبدي مانتوفياني



ماتقصر ياخوي على دعائك
ودعايتك
لوووووول


الرقابه يبه معروفه على شنو ومنو

يعني الحين معروف انه الدواوين هم يتراقب كلامهم بين فتره وفتره ليش؟؟

عشان التطاول بس



موتني من الضحك على ملاقتك
لووووووووووول

خل الملاقه لاهلها

وانت خف الطينه والشراحة كلها بمدونتك والله
:)