الكويت الان

الجمعة، 15 فبراير، 2008

جمعية الاصلاح و الأندفاع الهستيري

ما دريت و لا توقعت ان اقتراح النائب علي الراشد بعودة التعليم المشترك (اصلاح التعليم) راح يسبب هالهستيريا بالمتأسلمين
و لا توقعت ان جمعية الاصلاح تنشر تصريح مسعور لهالدرجة !!

معقولة التعليم المشترك يسبب الحمل السفاح و الطلاق و الامراض الجنسية ؟؟؟ وين قاعدين في بتايا ؟؟

يا الاخونجي انت وياه ... هذي جامعة اللي تتكلمون عنها و الا واحد من مواخير بانكوك ؟؟؟

انا اتوقع ان الجماعة مضيعين .. ترى احنا بالكويت

ما اختربت الاخلاق و لا اختربت الديرة الا لما دخلتوا علينا بأفكاركم و تزمتكم

ما انتشر الخراب الا في ايامكم

و الله عيب علينا .. عيب و الف عيب ان جمعية نفع عام تتكلم و تصرح بهالطريقة , هذي جمعية ضرر عام

طريقة رخيصة و اسلوب رخيص في تهييج الرأي العام

رخاص يا جمعية الاصلاح

و الله يا جماعه عيب و الف عيب , لازم ما نسكت لازم الشعب يقاضيهم على هذا الطعن بأخواتنا و امهاتنا و اباءنا
حمل سفاح ؟؟؟ ليش ليش ليش ؟؟؟
امراض جنسية ؟؟؟ انا اتوقع ان الحبيب اللي مصرح كان قاعد في بتايا , و الا في بانكوك
طلاق ؟؟؟ و اللله مازاد الطلاق الا بأيامكم السودة
زنا ؟؟؟
اجهاض ؟؟؟ الله يغربل ابليسكم
ما اقول الا حسبي الله و نعم الوكيل

هناك تعليقان (2):

kila ma6goog يقول...

بروح أجيّك على عمري يمكن فيني شي و انا مادري

mantovani يقول...

اي مطقوق لازم تجيّك على عمرك

اعرف ناس صار فيهم ميل لتعذيب الطرف الآخر (شذوذ جنسي) من ورى الاختلاط

بصراحة هذي طافت على صاحبنا مال جمعية الاصلاح ...

مو ناقص الا يقول الاختلاط يسبب السادية و المازوخية و الاسقربوط و السويداء و السيكوسيكو و الهللم بللم

و الله احنا اللي عطيناهم ويه