الكويت الان

الخميس، 20 مارس 2008

الكويت - مجلس الامة - عبدالكريم عبدالقادر

سبب عدم كتابتي لمواضيع سياسية هو ان المدونين مغطين المواضيع و مكفين و موفين

و سبب اخر اني مشغول عل اخر في العمل , الى جانب شوية ضغوطات في الدوام

معلوماتي مو اب ديت كللش .

بالفترة الاخيرة المشاكل بالكويت زادت بشكل غريب , كل يومين طالعين لنا بسالفة
و للاسف في ناس ماسكة طبل و اتطبل حق المشاكل
و ناس ماسكين صاجات و جك ... جك ..... جك حق الطائفية و هز يا وز ...

عاد انا شلي بالصيحة , رفعت الجام على جم سالفة , بصراحة ما يشرفني اني اسولف في
على العموم ,,,

المجلس انحل , نبي شوي البلد تقعد راحة هاليومين (ولو اني ما اظن) بس اتمنى ان تهدى الاوضاع السياسية بالبلد

و اتمنى للكويت ان يكون مجلسها القاددم من الشرفاء الوطنيين اللي يحبون الكويت

و انشالله تنجح دوائرنا الخمس في انجاح الاعضاء الكفء

و الله ولي التوفيق

*************
حلوة اغاني عبد الكريم عبدالفادر القديمة
و الواحد من يسمعها يحس ان فيها دفء و توصل للقلب بسهولة

-----------------

اتمنى للجميع عطلة سعيدة

هناك 6 تعليقات:

Aldenya يقول...

الله يحفظ الكويت وأميرها ,شعبها من كل شر ومكروه
وان شاءالله المجلس القادم يُشرف
ويبني ولا يهدم !!

والانشغال
الله يعينك ,, هذي ضغوطات الحياة

والختام
عبدالكريم
صوت ولا أروع
خصوصا هالحزة ,, حلو تسمع له


تسلم ايدك

:>

Mohammad Al-Yousifi يقول...

اي عطلة

كلها يوم واحد و بالزور

يبيلنا عطلة اطول

mantovani يقول...

الدنيا :

الله يحفظ الكويت و يرجع الحياة مثل ماكانت , مليت من هالوضع بالديرة .

مالنا الا عبدالكريم يسويلنا جو رومانسي .

بالمناسبة , لما الحين تيمعين اقلام

mantovani يقول...

كلة مطقوق ,

و الله لو نص دوام .مو يوم واحد

راح اطير من الوناسة

يا عمي زهقنا من الدوام ... يبيلي ست شهور اجازة من رصيد ست سنين لي جدام

Mok يقول...

خوش بوست :)

mantovani يقول...

نورت مدونتي يا شرقاوي

و منكم نتعلم و نستفيد

اتشرف بزيارتك