الكويت الان

الثلاثاء، 3 يونيو 2008

افكار لقصائد مجهولة المصدر


تحفيز العقل و الشعور للتعبير عما تجول فيه النفس , امر لم اعتد عليه
لعلها التجربة الاولى لي ... و لعلها الاخيرة ...

و لكم الافكار :

الساعه 8:00

انا الغيبة ...
انا النسيان ...

الجذب خيبة
انا الغلطان ...



الساعه 9:24

ليلج دياي البحر ...
و ليلي من العصر ... رمّـــاي




الساعه 10:45



و سافرت ...
في عيون شقيانة

مالقيت ...
غير دموع
و اشواق ضميانة




الساعه 11:33



غيوم ...
و ريحة مطر

ترقص ...
على خدود القمر

صدفة ...
ابدعها القدر

لونت ...
ليل السهر


الساعه 12:09

رحيل

يرسم لوحة حزينة
كلها اغراض قديمة

مركونة ...

يم باب ازرق
بدروب ... كم شيبت مفرق

رحيل



الساعه 13:22

لا شيء
في خيال الشعر
سوى
خيال الشعر


الساعه 14:00

و يسيطر علي اليوع
و غداي ...
شفايف ...
و نحر ....

مربوع ...


الساعه 15:45

عطيني فرصة

اوضح فيها ...

اشرح ....

أأ ...

لا تروحين

تخليني ؟؟

تكدريني

تزعليني ؟؟؟



الساعه16:16

غصت في اعماق المصيبة
مالقيت غير ناس مريبة
هذا يحفر
هذا ينخر
كل المصالح سبايبها عجيبة


الساعه 17:55

تذكرين

كنا نسمع ...
كنا نشوف ...

أبنية تعزف بيانو

كنا على اطراف القمر ...
ما تدرين عن اللي قلبة اندمر

كانت أبنية تعزف بيانو


الساعه 18:02

تليفون من البحرين يقول :

نزيف ...

في قلب الكويت

نزيف ...

في كل بيت

نزيف ...

يا وليدي ... شسمعيت ؟؟؟

سعد مات

عظم الله اجر الكويت



الساعه 19:08

احلام

الهوى ... العصر ... الشمس ... الحمام ... الوان المسا ...



الساعه 20:59

و انادي

ما يرد غير الصدى

ولا ازال

انادي

ما يرد غير الصدى

و انادي ...

ما (يرد) الصدى




الساعه 21:00


و انادي

ما يرد الصدى

لين مل الصدى ...

وقال :

مليت ... صوتك تحشرج
مليت ... صوتك تحشرج
مليت ... صوتك تحشرج




الساعه 22:35

كل هالورود في الدنيا ...

ما طفت قلوب البشر ؟؟؟

كل هالورود في الدنيا ...

ما شالت شوية قهر ؟؟؟

كل هالورود في الدنيا ...

و ما طافت (ليالي) السهر ؟؟؟



الساعه 23:39

بنام ...
في حضن اعرفة ...
في قلب اللي احبة ...

بنام ...

بنا....م

ب......



الساعه 6:15

انا :

صباح الخير
يا قلب الخير
يا حب الخير

اهي :

صباح النور
يا ويه النور
يا حب النور






مانتوفاني

03\06 \2008



.

هناك 38 تعليقًا:

Najmah يقول...

كلهم روعة
روعة
والله مادري على شنو اعلق


و انادي

ما يرد غير الصدى

ولا ازال

انادي

ما يرد غير الصدى

و انادي ...

ما (يرد) الصدى




وايد اثرت فيني :(

Mohammad Al-Yousifi يقول...

مربوع


منت هين

صبا يقول...

هالمره غير غير غير

روعه تسلم ياخوي علي هالحروف الي اكثر من روعه اول مره غير بس احسن من كل مره

الساعه 10:45خليط حزن والم والله يبعد عنك الدموع

الساعه 11:33حسيت بدفي حروفك وروعتها

الساعه 12:09مجموعة احاسيس تحكي واقع كثير منا لايعرف كيف سيعيش ومتي ســـــــيرحــــــل

الساعه 14:00 لا تعليق ؛)))

الساعه 15:45 حب مفقود!!!!
الساعه 16:16للاسف هذا واقعنا
الساعه 18:02هاتف هز اعماقنا
الساعه 20:59
و
الساعه 21:00امل ضايع وصوت الشوق احتضر
الساعه 22:35لغة الورود اجمل لغه تعبر عما بداخلنا وكل ورده لها مغزه

الساعه 23:39براعه مابي استحي ؛)

الساعه 6:15عسي ايامكم كلهاخيرونور

يا سلام عليك يا خوي اتغط وترجع لنا بشي روعه صح السانك مادري ليش كل كلمه معبره في هالبوست اثر فيني وحروفك لامست قلبي ,,,,قمه بالمشاعر
بس ما بي اكمل ..........!!!!

الله لا يحرمنا منك يالشيخ

صبا يقول...

شنو شالسالفه!!!

قمت تنافس برااااااااك

ولا ماخذ عنده دوره
ولا انت بالفطره ؛)))

Manal يقول...

جميل

:)

ولد الديرة يقول...

الساعة 8:39

شلون على علي الراشد الحين؟

mantovani يقول...

نجمة ...

مشكورة وايد على زيارتج لمدونتي

صدقيني انا اروع شي بحياتي اني ادخل

مدونتي و الاقي ناس طيبين عطوني شوي من

وقتهم و قروا كلامي ... حتى لو كان

اقل من الطموح



مانتوفاني

mantovani يقول...

مطقوق ...

انت خلك معاي , و راح تنحرف فن الانحراف

==

يا مطقوق ...

وقتك الضيق و مشاغلك الزايدة + مرورك على كلماتي

معادلة حلها كبير بالنسبة لي

مانتوفاني


.

mantovani يقول...

صبا

نجحتي في ترجمة افكاري البسيطة .. بمعاني كبيرة

صبا انتي عامل من عوامل نجاح كل بوست
انا اكتبة , و تعليقاتج و متابعاتج للمدونين تعطيهم دعم و تشجيع يستاهل كل تقدير

مدونتي تفخر انج متابعة لها



====


صبا


بالنسبة للرد الثاني اقولج

مافي مقارنة بيني و بين الكبير (براك)
لان براك محترف و (استاذ) و انا كل اللي قاعد اسويه محاولات و خواطر
لعل و عسى اصير نقطة في محيط (البرك)



مانتوفاني




.

mantovani يقول...

منال الكويت


الاجمل هو قرائتج لكلماتي البسيطة

الاجمل دقائق تشرفت فيها مدونتي


مانتوفاني


.

mantovani يقول...

منال الكويت


الاجمل هو قرائتج لكلماتي البسيطة

الاجمل دقائق تشرفت فيها مدونتي


مانتوفاني


.

mantovani يقول...

ولد الديرة

انا وين و انت وين

يا ولدنا انا منحاش من السياسة

خلنا على المشاعر (الظاهر انك احلى لما قلبت رومانسي ذيج الايام)

هاهااهاهاها

حبيب ياولد الديرة


مانتوفاني


.

sologa-bologa يقول...

صح لسانك
وشكل وايد حلو واسلوب جميل
ربط الكلمات بالوقت والساعات

بس تبي الصج يا خوي

ماني قادر اعلق
بس بالاخير علقت والسبب

اخدر كل ما اسمع مرني مرة فرح

تعذبني هالاغنية
انت فنان فنان

ودمت بحب وود

mantovani يقول...

سلوقا بلوقا


يا اخي ليش ما قلت من اول نحطلك خالد الشيخ علشان تمر علينا

انت الفنان , و الفيلسوف الرائع


و الفيل كبر يا ناس .. و قام يكسر بيتي



تحياتي لك


مانتوفاني

.

فريج سعود يقول...

انا مين ؟
انا فين ؟

Unknown يقول...

كلماتك " بخور أصلي"
=)

بس السؤال...
الاحساس من وين يايبه !

سدرة العشـــاق يقول...

الساعه 23:39

بنام ...
في حضن اعرفة ...
في قلب اللي احبة ...

بنام ...

بنا....م

ب......



هذي انا

يعطيك العافية على هالمشاعر الراقية

Aldenya يقول...

كل هالأفكار بيوم واحد

الله يعينك

مشاعر متغيرة وحاله غريبة

مانتوفاني

" اي هذي المواضيع الراكدة
مو مثل هذيلاك اللى المفروض انشمعهم بالأحمر :> "

mantovani يقول...

فريج سعود

انت في مكان يرحب فيك

مانتوفاني

.

mantovani يقول...

قطوطة


مشكورة على هالوصف اللي
زادني ثقة في كلماتي

و الاحساس هذا نابع من حبي لحياتي
و مكوناتها , و قناعتي بكل تفاصيلها
و اتمنى ان الله يديم علي النعمة و على اللي احب .


مانتوفاني



.

mantovani يقول...

سدرة العشاق

اخترتي الكلمات
اللي تعبر عن اصدق وقت
وقت النوم اللي الواحد يغفي
بالمكان اللي يرتاحلة
مع الشخص اللي يرتاحلة


الله يعافيج

اتمنى انج ما تقاطعين هالمدونة


مانتوفاني


.

mantovani يقول...

الدنيا

انا بسألج سؤال

انتي هل تحسين احساس واحد باليوم ؟؟؟

اليوم عبارة عن مجموعة انفعالات

بالسرير

بالشاور

بالدوام

بالسيارة

بالسوق

بالزوارة

بالدوانية

.... ممكن الواحد يعيش مليون احساس
بيوم واحد و بمختلف الدرجات

و الله يعينا

==

الدنيا

ضحكتيني :))

اي مواضيع اللي تبينها تتشمع ؟؟؟


مانتوفاني

Selezya يقول...

أوقات جميله وممتعه
تميزت من بينهم

الساعه 23:39

:)

mantovani يقول...

سيليزية


كتبته و انا فعلا كنت دايخ
علشان جذي حسيتي فيه


و حاضرين للطيبين


مانتوفاني


.

ولد الديرة يقول...

mantovani

الحين ها

الحين كنت احلى :>

اروايك :q

mantovani يقول...

ولد الديرة


التنويع حلو , خصوصا انك شايب
و ذكرياتك و اغانيك قديمة
و تستاهل التدوين

مرة سياسة

و مرة مشاعر

دلعنا ولد الديرة - دلعنا


مانتوفاني

5roofa يقول...

امبي كل ما انزل اقول خلاص هذي احلى قصيدة انزل للي احتها واقول لااا هذي

احترت شنو اختاار

بس الي صج اثرت فيني وااايد و علقت عليها و قريتها مليون مرة هذيي


الساعه 23:39

بنام ...
في حضن اعرفة ...
في قلب اللي احبة ...

بنام ...

بنا....م

ب......


مشكور خيو

salamz....

Kuwait يقول...

حركة عقارب الساعه ..
تغيير المواقف ..
تنوع المشاعر والاحساسيس ..
اختلطت وتكونت على شكل تحفه أدبيه سطرتها كلماتك التي جعلت من الزمن لون وطعم مختلف ..
تجربه أولى ناجحه تستحق الاشاده و نتمنى ان لاتكون الأخيره ..
تقبل مروري المتواضع :)
kuwait

mantovani يقول...

خروفة

مشكورة على الكلمات الحلوة
و الاطراء , بس اذا تبين تحسين بكلماتي اكثر لازم تقرينها مليونين مرة بعد

:)))))))))

اختيارج حلو بصراحة ... لان النايم
يعبر عن شعورة بكل صدق


مانتوفاني

mantovani يقول...

كويت

فعلا انت تقول الصواب
فحركة الساعة تحمل متناقضات
كثيرة, و تخبئ الكثير

لهذا السبب اخترتها كما اختارها اخرون
في عرض هذه الكلمات

مرورك جميل جدا و مضيء , اتمنى الا تنقطع
فوجودك و الاخرين ... دعم كبير
و تشجيع لي على الاستمرار


الى ان نلتقي ... كن سعيدا


مانتوفاني


.

Super Woman يقول...

و يسيطر علي اليوع
و غداي ...
شفايف ...
و نحر ....

مربوع ...



لووووووووووووووول
ابدعت

عجبتني مالت الساعه 16 لوول

مبدع

mantovani يقول...

شلالات

تحياتي

ممكن اعرف سبب الاعجاب الشديد
بهالكلمات ؟

و اتمنى اني دايما اكون عند حسن الظن


بس مالت الساعه 16 ما يبيلها لوول

تضايق اصلا


مانتوفاني

darkness يقول...

صبحك الله بالخير

لا انكر ان البوست قمه بالروعه و مفعم بالمشاعر

و تناقضات تختلج في ارواحنا بصوره او باخرى

و لكني شعرت بالاسى لنفسك البريئه

لا تحفز العقل و الشعور

فهذا متعب جدا لنفسك

دع المشاعر تاتي

و العقل يرتاح

احببت الكثير من المقاطع

احببت حين اعترفت بانك الغلطان رغم محاولتك التكابر بالغيبه و النسيان

تدري انا اكتب البوست بلحضتها

ما افكر شنو بكتب عنه

مرات احس ان غلط اللي اسويه

و مرت احس انه صح

ما ادري يمكن لو اكتب البوست و احتفظ فيه مده اعدل عليه يمكن يطلع بصوره افضل

بس ما اعرف من اكتبه انزله

اخوي انت مبدع منت محتاج لضغط على نفسك

Super Woman يقول...

الله يسلمك اخوي

اللي عجبني بهالكلمات اهو
انك من كثر اليوم صرت تشتهيه بطريقه غريبه
وحسيت انك وصفته جنك تشوف بنوته حلوه مو اكل :)


عرفت شلون ؟

mantovani يقول...

داركنس , الظلام ...

تحية طيبة و بعد

ارى ان تعليقك من التعليقات المميزة
في هذا الموضوع , خصوصا انه تناول
اسلوب الكتابة , ولكني أأسف على شعورك بالاسى ناحية كتابانا ... و انشالله اكون عند حسن الظن دايما

لكن

كان علي ان اوضح في البداية اني
اعزف الموسيقى على اكثر من آلة
و الخيال الموسيقي اللي اعزف فيه
التقاسيم يحتاج تحفيز من خلال عزف
سلالم و تقاسيم للوصول لنتيجة

و هنا كانت تجربتي الاولى لعمل ذات الشيء مع الخواطر التي لا ترقى
لتسميتها شعرا

تجربة اولى جميلة , زادها جمالا تفاعلكم
و ملاحظاتكم


مانتوفاني

mantovani يقول...

شلالات

اشكر ملاحظتك الجميلة و اتمنى ان تنعم
كل تدويناتي بمرورك الكريم

لك كل التحية

الى ان نلتقي ... اتمنى لك السعادة


مانتوفاني



.

`~MnO YeNSa! ~` يقول...

8:00


10:45

15:45

20:59



و انادي

ما يرد غير الصدى

ولا ازال

انادي

ما يرد غير الصدى

و انادي ...

ما (يرد) الصدى

.......




رقي

تستوقفني الاوقات

mantovani يقول...

منو ينسى

و انا ماراح انسى مرورج الكريم
و انشالله استمر بالرقي بالاحساس
و الكلمة

مانتوفاني