الكويت الان

الثلاثاء، 22 يوليو، 2008

الركــــــن الذهبــــي






الركن الذهبي :


من اروع المطاعم الي ممكن انك تاكل منها

مطعم عرفته بطفولتي , و مراهقتي , و لازلت استمتع

بأكله المميز مع اهلي و زوجتي و اصدقائي


مطعم يبيعك اكل لذيذ , و ذكريات جميلة


في سنة من السنين سيكــــرت شاركني في القضاء على عدد من سندويشات الشاورما


انصحكم تجربونه و تتشاركون من اصدقائكم و حبايبكم (الشاورما - المعجنات - المقبلات - الفيمتو اللي بالخلاط- اللبن ) الخ


مكان قديم و بسيط في شعب الخالد



مانتوفاني



هناك 70 تعليقًا:

Enter-Q8 يقول...

يعني تتوقع يصك على بدر البدور والا ساكت عجيب
خلك صريح و قول

بيني و بينك
كل مطاعم اللي قبل الغزو ماكو مثلها اللحين
ما ادري احس انها تغيرت و مو نفس قبل

نروح الركن الذهبي خصوصا اننا عزابية

غير معرف يقول...

وين مكانه ؟

على نفسها جنت براقش يقول...

يا سلاااااااام

عاد عن العيارة اهو لذيذ صج
و كل الصمون اللى فيه حلو
و الكبه و شئ فيه جبن مع نعناع

اى و اللبن بعد

انا و اختى لازم نمر عليه اذا كنا بالسالميه

و العالميه اللى يمه هم ايام طفولتنا كنا نروح مع امى

وهه ولهت على الاكل السنع


عقب كل هالكلام اقول مو اروع مكان
الا بذكرياته

وناسه خوش بوست

:)

secret يقول...

لول

حلو البوست و كلش ما توقعته يا مانتوفاني :)

ذكرتني بالايام الخوالي

بييييييه تذكر لما هبينا فيه ذيك الفترة .. عاد والله حلوة الشاورما مالته للحين أذكرها

بس انا آخر مرة كليت منه كنت وياك تتوقع للحين نفس مستواه؟

عاد صج حتى مطاعم قبل غير

و على فكرة و انا صغير الوالدة دوم توديني حق محل ألعاب هناك اسمه (لعبتي)

5roofa يقول...

السمبوسه الهندية شكلها يشووووووووووق

هذي سمبوسه صح ولا انا يتهيألي من اليوع لوول؟؟؟

بس وين مكانه ما فهمت شعب الخالد هذي منطقه ولا انت قصدك شعب الكويت الخالد

لوووول احم اذا قاعده أألف قولي

salamz dear....

ga6oo6a يقول...

هي هي هي

الفيمتو و فطاير لبنانية و بس
اي اي في عنده فطيره بطاط حدها حلوه !
صح

Blog 3amty يقول...

المنت معروف المطعم أن ملك الوالد، عاد انت لا تسوق على حسابنا !


:P

فريج سعود يقول...

يبا دلنّا ايها عدل شنو في شعب الخالد ؟
تبينا نفتر كل الشعب علما نلقاه
وتاليتها نشقح حديقة الشعب

mantovani يقول...

حاكي عقالي

يصك على بدر البدورو يعطيه 6-0

اما بالنسبة للساكت عجيب , للاسف ما تشرفنا ان ناكل فيه

جرب تروح الركن الذهبي بأقرب فرصة
وراح تعرف ان الركن الذهبي ما تغير

مانتوفاني

mantovani يقول...

غير معرف

مكانه بشعب الخالد

مانتوفاني

mantovani يقول...

براقش

في صمون داخلة بطاط مهروس .. يدوخ

و اللي تقولين عنها فيها جبن و بقدونس
هذي يسمونها سمبوسة لبنانية


و جربي ورق العنب

==

اما بالنسبة للعالمية , هذا راح يكون لي معاه وقفة ثانية


اذا ولهانة على الاكل السنع
روحي بأقرب فرصة اخذي درزن فطاير
و شورما لحم و دياي و ورق عنب
و عدي على العالمية اشتري (طرطة)

و عزمي اقرب الناس لج
و عيشي الوليمة السنعه

و تحياتي


مانتوفاني

mantovani يقول...

سيكرت

توقع الغير متوقع ..

اذا صج لما الحين تذكر الطعم
جربة بأقرب فرصة و قولي

===

بالنسبة للعبتي ...
الللللله
شريت منه سيارة شحن
و شريت مجسم طيارة سكاي هوك
و لما رجعت البيت اكتشفت ان
المجسم يبيله صمغ و الوان



مانتوفاني

mantovani يقول...

خرووووفة

الحمدالله على السلامة يبا

فعلا اللي بالصورة سمبوسه هندية
احلى من اللي يسويها الهندي

لوووووول

ضحكتيني على سالفة شعب الكويت الخالد

"وليخسأ الخاسؤون"

==

شعب الخالد امتداد منطقة الشعب البحري

و يسميها الكويتيين
شعب الخالد و ذلك لتركز عقارات
عائلة الخالد (بيوت و مجمعات سكنية و عمارات صغيرة قديمة مشهورة باللونين الازرق و الرمادي)

فيها مطعم قصر البردوني

و فيها مجمع خالد حمود الزيد الخالد
اللي فيه كل من :

مطعم الركن الذهبي
مطعم كايزن الياباني
حلويات العالمية - سي سويت
محلات ورد
كافيه فريش
صالون قصر الكريستال

و محل لعبتي للالعاب (سابقا)

عرفتي وين شعب الخالد يبا ؟؟

===


مانتوفاني

mantovani يقول...

قطوطة

مع ان علبالي بس انا اللي طايح على فطاير البطاط المهروس

اما اللبن على فأنا انصح الجميع انهم
يجربونه ... يسرسسسسسح

تحياتي

مانتوفاني

mantovani يقول...

بلوج عمتك

بدينا بالحسد ؟؟؟

يعني لازم تخلي الناس تدري اني
مانتوفاني خالد حمود الزيد الخالد ؟؟؟

بلوج عمتك ... اللي بيته من جزاز
لا يحذف الناس بالصخر !!!

اخو عمتك يملك نص الديرة .. و الا غلطان , لا قول غلطان !!!!


مانتوفاني

mantovani يقول...

افا يا فريج بو عزيز

ما تعرف شعب الخالد ؟؟؟

يبا من اليوم و رايح

بسميك " فريج مدحت "

===

حبيبي

شعب الخالد يصير بالقطعه اللي يم حديقة الشعب يعني القطعه اللي مقابلة المسيد
مال حديقة الشعب

وترجع تسميته بشعب الخالد لامتلاك عائلة الخالد لمعظم العقارات و الاراضي
الموجوده فيه

(راجع ردي على خروفة)


و تحياتي لك

مانتوفاني

chatterbox يقول...

انا كنت كل هالمدة اقرا وانا ساكتة بس اليوم السالفة فيها اكل ومطعم قديم قلت لازم اعلق
شوقتني اليوم باخذ ام كشة وبو كشة عيالي واختي كويتية حساوية ونندمج بالاكلز .

ولد الديرة يقول...

حجي

للتاريخ

شعب الخالد ترى قديم اقدم من هالمجمعات اللي تشوفها هسة

ما اعرف المطعم!

انا اعرف مطعم الجمهورية العراقية مال الكباب

و بعد شنو!!

اي

شارع المطاعم مال اول فيه مطعم اسمه الديوان (يمكن للحين موجود)

و ومبي الخالدية

و فرح السالمية

و طبعا بدر البدور ما يبيله

و كفتيريا الشويخ (الجمعية و المنطقة الصناعية)

بس :)

عوافي

kuwaitawy يقول...

مانتوفاني



اشوفك تسوي دعايه هههههههههههههههه




عوافي انشاءلله

kuwaitya_7saweya يقول...

اممممممممممممممم
شوقتني

chatterbox ماوديتني؟؟؟

5roofa يقول...

اييييييييييييييي

لوووووووول و الله ما كنت ادري انه يسمونه جذي لوووول

عرفته شكرا شكرااا على الشرح

D;

salamz dear....

قلب طفله يقول...

يبيله نجرب اكله

تسلم معلم مانتوفاني ع المعلومه

و ترا كنت بسألك وين شعب الخالد

بس لقيت شرحك على خروفه و فريج

سعود قلت خلاص فهمت :))

G h a d o o r يقول...

اللللللللله
احب ورق عنبهم .. مو صج

بـنـت بـطنـهـا يقول...

آآآآآآآآآآآآآآآآآآآآه يا قلبي

لا تحرني انا مو بالكويت :(

اموت على الورق عنب ماله من يوم كنت ياهل

وبرمضان تلقاني زبونه يوميه هناك

فطاير الجبن والدياي والبطاط شي مو طبيعي عنده

وشاورما الدياي مو طبيعية

اذكر قبل امي توديني عند العالمية اللي يمه عشان انقي صورة الكيكة حق عيدميلادي لوووووووووووووووول

اللي ما عرف مكانه .. عند فرش يا جماعه

والبنات : عند صالون كرستال وجبال هناء موري

عورت قلبي يا مانتوفاني الورق عنب الورق عنب اسطورة :(

بـنـت بـطنـهـا يقول...

توني اقرا باجي الردود

لعبتييييييييييييييييي

والله بابجي

لعبتييييييييييييييي

ابي محل لعبتي

لووووووووووووووووووووووووووووووووووووووووووووووووووووووووووووووووووووووووووول

عوار قلب بوستك

وسوري عاللقافه وصفت وانا مو قاريه كل الردود

بـنـت بـطنـهـا يقول...

توني اقرا باجي الردود

لعبتييييييييييييييييي

والله بابجي

لعبتييييييييييييييي

ابي محل لعبتي

لووووووووووووووووووووووووووووووووووووووووووووووووووووووووووووووووووووووووووول

عوار قلب بوستك

وسوري عاللقافه وصفت وانا مو قاريه كل الردود

U-Turn يقول...

امممم
ولا مره كلييت منه :]
بس بجربه ... لووووووول اهم شي أسحب البيبسي :p

لا شكله شغل عدل :]

يعطييك العافيه أخوي :]

عاجــل يقول...

انشاله لما ارجع الكويت
وشكرا على المعلومة

Mishari يقول...

ما يصك على بدر البدور معلش:)

شيخهم :)

Don Juan يقول...

الولاء لبرقان D;

fatto يقول...

عاد انا يوعانه ومشتهيه امشكل

why me يقول...

يوعانه


:(

مريم الموعذراء يقول...

انت وسيكرت طلعتوا ربع ؟
توني ادري عبالي بس زملاء بالبلوج

غير معرف يقول...

جربته
المطعم خايس وراعيه خايس

Q8-MaNaL يقول...

آخر مرة كليت منه قبل جم سنة و كانت شاورما الدياي روعة عندهم مادري ليما الحين حلوة شاورمتهم وللا تغيرت مثل ما كل شي يتغير!

مشكور اخوي مانتوفاني و يعطيك العافية

Najmah يقول...

الله ابي شاورما الحين
^_^
انزين شنو شعب الخالد؟

secret يقول...

شهالغيبة يالحبيب؟؟

ترى القطاعة شينة!

|:| DUBAI |:| يقول...

توني شاربة فيمتو

استعد حق رمضان

بس اللي بالخلاط كيف؟

تشرفت بالمرور هنا !!

Kuwait يقول...

مانتوفاني ..
اول مره أسمع بمكان اسمه شعب الخالد وقريت الردود وهم ما دليته ..
لما أرد الكويت بطقه فره أدوره والبنزين عليك ;q

غير معرف يقول...
أزال أحد مشرفي المدونة هذا التعليق.
joy يقول...

استانس عليه
بس توقف الزمن عنده
المحلات تروح وتيي وتغير اللي بالجمع واهو على حاله

بالعافية لا تنسى الهوت صوص وياك



والعالمية اللي يمه حق البيتي فور والخرابيط الصغيرة

Ni3Na3aH يقول...

shakla khoosh ma63am wel daleel el nas Qatheen 3al akil.. el shawerma mkhal9ah wel samboosah mkhal9ah

mantovani يقول...

يا جماعه اسف جدا على التأخير بالرد
على تعليقاتكم الجميلة

انا في اجازة خارج الكويت و صار الموضوع بسرعه و ما مداني اودعكم

و بصراحة شي رائع بهالموضوع ان في
ناس يدد على المدونة معلقين عندي
و اتشرف بزيارتهم

===

اللي ما عرف شعب الخالد ترى الوصف موجود ...

===

تحياتي لكم يا الحبايب

مانتوفاني

secret يقول...

ما يحتاي اوصيك على الصوغة يالحبيب

ترجع بالسلامة

Kuwait يقول...

ترجع بالسلامه ان شاء الله :)

غير معرف يقول...

هذا مطعم
متروس فيران

غير معرف يقول...

وع ع ع ع ع ع ع ع ع ع ع ع
من صجك تسوي دعاية حق هالمطعم الزبالة

غير معرف يقول...

مطعم مثل الزق

غير معرف يقول...

أكيد مطعم واحد من أهله ويبي يمشي شغله

ديرو بالكم من التسمم

ShLaLaT يقول...

ترد بالسلامه

mantovani يقول...

سيكرت

حاضرين افا عليك

==

كويت

الله يسلمج و يخليج

==

شلالات

الله يسلمج

===

غير معرف

الله يشفيك



مانتوفاني

`~MnO YeNSa! ~` يقول...

شنو هذا

لازم لازم تدلينا وينه

شوقتنا ؟

بنت الشامية يقول...

انا ماااااااااااا ارضى شفيه مطعم بومحمود بجمعيه شويخ......ما كو عليه....الا ما له لول ما له اخر

لازم ندعم المحلى (الشاميه وشويخ)ء

وكل كل عيال مدرسة شويخ للاولاد وخولة للبنات
يعيش مطعم بو محمود

Enter-Q8 يقول...

هههههههه
بنت الشامية مطعم محمود قبل يا خيتي مو اللحين
ايام سندويش الكباب و الفلفل
تزرق من الثانوية و طايحين له
و الا ناظرنا بويهنا اشعندكم
نرد عليه انت شعندك
حسبي الله على بليسك رجعتينا

لسنة86
اما اللحين اي شي حده

غير معرف يقول...

مطعم خايس
خايس خايس خايس

غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
غير معرف يقول...

شنو السالفة

غير معرف يقول...
أزال أحد مشرفي المدونة هذا التعليق.
غير معرف يقول...

عفو ليش ما تمسح الكلام المسيء

يعقووبوو يقول...

كل ما اتوهق ومادري شنو ابي اكل اروح الركن الذهبي
عليه شورما تسوى شارع المطاعم بكبرة
ومطاعم بنيد القار

Barrak يقول...

ماكو غير شباتي جمعية العمريه

لاتحاول

غير معرف يقول...
أزال أحد مشرفي المدونة هذا التعليق.
mantovani يقول...

يعقوبو

الحمدالله على السلامة , غسلت الفولفو؟؟
الركن الذهبي مو سهل , جرب المقبلات اللي عنده

مانتوفاني

mantovani يقول...

براك

يا اخي انا غرامي الشباتي بس المشكلة ان مو اي هندي يضبطه
انا بجرب اللي بالعمرية و بعطيك رايي

مانتوفاني

غير معرف يقول...

http://independent-kuwaiti.blogspot.com/

White Wings يقول...

وين هالمطعم؟
ووينك انت؟
مختفي!!!!

mantovani يقول...

وايت وينج

الاجنحة البيضاء

تحياتي لج انا كنت في مكان جميل

مانتوفاني

nadeen يقول...

تركنا الكويت من ٧ سنين هجرة على كندا ولحد الان مافي مطعم في البلد عاجبنا. ولادي يقولوا "اول ما نرجع الكويت على طول رح نروح على الركن الذهبي". اشتقنا لفطائر الدجاج اكثر شي مافي حد يعملها متله. (صارت دعاية مو تعليق).

غير معرف يقول...

شوقتوني عالمطعم شكلي بروحله اليوم لووووووووول وحدي يوعانه بعد
معاكم اختكم فوفو دشتي