الكويت الان

الأربعاء، 27 أغسطس، 2008

انا رديت ...

تحية جميلة و بعد ,,,

بعد الاجازة الصيفية و السفر الذي حال دون ان اطل على مدونتي الجميلة
و روادها الاجمل , أعود ... محملا بالشوق لكم , و ممتنا لكل من تسائل
عن ظروف اختفائي المفاجئة دون ان اترك لكم رسالة ...

اعود متمنيا لكم كل شيء جميل

======

شباب ابي رايكم

الاغنية هذي وايد حلوة ... و الا سيئة جدا ؟؟؟؟


و الى ان نلتقي ...

كونو سعداء ...

مانتوفاني

هناك 45 تعليقًا:

ManalQ8 يقول...

الحمد الله على السلامة

في صور ولا مافي؟
:)

Enter-Q8 يقول...

اول شي الحمدلله على السلامة
و ما ادري ياخوي احس انها نكد هالاغنية

و مبارك عليك الشهر

عثماني يقول...

الحمدلله على السلامة

:)

الاغنية حلوة

مُحَسّدْ يقول...

الحمدلله عالسلامة

الاغنية لا باس فيها

kila ma6goog يقول...

حمدالله عالسلامة

ما سمعتها

5roofa يقول...

حمدالله على السلاااااامة

:) تو ما نورت الكويت

salamz dear....

mantovani يقول...

منال

الله يسلمج و يطول عمرج ,

طبعا في صور و انشالله احطهم خلال الايام
الياية

تحياتي

مانتوفاني

mantovani يقول...

انتر كويت

الله يسلم روحك اخوي

و الله من ناحية نكد نكد , بس كلماتها
مو مثل باجي الاغاني

و احترت فيها

علينا و عليك و الله يبلغنا وياكم الشهر الفضيل و نتممه لا فاقد و لا مفقود

مانتوفاني

mantovani يقول...

عثماني

الله يسلمك اخوي

:)

مانتوفاني

mantovani يقول...

محسد

تحياتي لك

و نورتنا

مانتوفاني

mantovani يقول...

مطقوق

الله يسلمك و يخليك

خلاص يبا انت معفي لا تسمعها

مانتوفاني

mantovani يقول...

خروفة

الديرة منورة باهلها
مشكورة :)))))))

الله يسلمج و يخليج

مانتوفاني

بـنـت بـطنـهـا يقول...

مانتوفاني

الحمدلله على سلامتك من طول الغيبات

وبالنسبة للاغنية بيني وبينك عصرت ذائقتي لين قلت بس
يمكن بوقتها كانت شي مثل رويشد اول ما طلعت اغنية لا تصدق من حجالك يحجي فيك

ناطرين الصور هالله هالله بالبوست الياي

lawyer يقول...

حمدلله على السلامه


انا بالدوام لي رديت البيت سسسسسمعت الاغنيه


انزين انا اعتبر من الشباب ؟
يعني اعطي رايي بالاغنيه صح

:P

بنت الشاميه يقول...

الحمد لله على السلام
وبعدين شهر رمضااان على الابواب
ما ااااااسمع اغاني
لوووووول

مبارك عليك الشهر يا ول الشاميه
عيال الشاميه اجدع ناس

mantovani يقول...

بنت بطنها

الله يسلمج و يحفظج ... من طول الغيبات ياب الغنايم :)))

بالنسبة للاغنية اهم شي انج حاولتي
انج تلاقين شي حلو بالاغنية

الغريب بالموضوع ان الاغنية تم تأليفها سنة 1981 و سابقة عصرها (بغض النظر عن سوء او جمال الاغنية)

بس تختلف عن باجي الاغاني

مثلها مثل (لا تصدق ) حق رويشد

اغنية ما تلاقين لها شيء مقارب في سوق
(الكاسيت) على قولتهم


الى ان نلتقي

مانتوفاني

mantovani يقول...

لوير

الله يسلمج يا الشيخة

يبا انتو ليش ما تحللون معاشاتكم ؟؟
الدوام يدفع اشتراكات انترنت في سبيل
العمل , لا تحرجيني مع مديرج لي بلشني اني
فاتح مدونة و قاعد اشغل موظفاته

P:

لوير طال عمرج انتي مو بس نعتبرج من الشباب ... انتي ابو الشباب

و ناطر رايج بالاغنية

تحياتي


مانتوفاني

mantovani يقول...

بنت الشامية

الله يسلمج و يخليج يا بنت حتتنا

رمضان على الابواب !!

شفتي شلون استغلوا الفرصة و سووها امريكانا و صكوا مجمع المطاعم !!!

الحين اللي يبي باسكن روبنز لازم يروح
الخالدية يعني :/

====
بعدين اذا الريل بلاير خربان
لا تتحججون برمضان يا جماعه صلحوا كمبيوتراتكم :))))
===

الى ان نلتقي

كوني سعيدة

مانتوفاني

secret يقول...

الحمدلله على سلامتك يالغالي

اختفاءك المفاجئ انا تعودت عليه .. و الاغنية حلوة .. مزاجك المعتاد :)

و لقاءنا عن قريب ان شالله

secret يقول...

مانتوفاني
---------
8:46

راح تفهمني :)

mantovani يقول...

سيكرت

الله يسلمك يا الحبيب

و لا تعليق على سالفة الاختفاء
لوول

عزيزي الاغنية مشكلتها عويصة

تخيل انها من اوائل الاغاني لخالد الشيخ
(سالفة طويلة)

المهم , انا احترت في هالاغنية

حلوة وايد

و سيئة لدرجة ما تتصورها

====

سيكرت

هذي حياة الناس ...

(هذي اللي طلعت مع الريال )


مانتوفاني

كش ملك يقول...

حسيت انها تساعد الواحد على التلحطم من الحياة اليومية بين أروقة المضابط التعيسة

الحمدالله على السلامة

حسام بن ضرار يقول...

الحمدلله على السلامه مونتافاني

هالسنه سويسرا؟ ولا شو على قولت اخوانا الاماراتيين؟

:)

حمودي يقول...

حمدالله على السلامه
:)

حسافتج يا كويت يقول...

نورت المدونات

Kuwait يقول...

الحمدلله على السلامه ..
والاغنيه كلش كلش ما قدرت أبلعها قاعده أتغصب أسمعها بس ما قدرت لوووووووووووول ;a

gawga3a يقول...

حمد الله على سلامتك :) لغنيه ماطلعتلي
:(

scarlett يقول...

حمدالله عالسلامة
حرام عليك الاغنية تعبت
قديمة ومنمطة مط

مو حلوة سوري

secret يقول...

عرفت اي "عربة" اقصد؟

:)

mantovani يقول...

كش ملك

فعلا الاغنية تناقش الهموم اليومية

اتمنى ان لا ترى هموما يا عزيزي

مانتوفاني

mantovani يقول...

حسام بن ضرار

تحياتي اخوي , لا و الله للاسف يا العزيز
رحت لبنان و راح احط الصور

تحياتي لك

مانتوفاني

mantovani يقول...

حمودي

الله يسلمك اخوي , كل عام و انت بخير

مانتوفاني

mantovani يقول...

حسافتج يا كويت

منورة بوجودك يا الغالي

نورت مدونتي و الله

مانتوفاني

mantovani يقول...

كويت

تحياتي يا كويت

الاغنية مشكلة , سيئة جدا و بنفس الوقت حلوة

مشكلة

مانتوفاني

mantovani يقول...

قوقعة

مدونتي تشرفت بزيارتج

بس طلي شوي من القوقعة و تسمعينها

مانتووفاني

mantovani يقول...

سكارلت

الله يسلم روحج

فعلا الاغنية كانت من بدايات الفنان
خالد الشيخ و كانت مقدمة (سهرة) تمثيلية
سنة 1981 و الظاهر انه مطط فيها علشان يثبت نفسة

مانتوفاني

mantovani يقول...

سيكرت

بس مو نااااار العربة ؟؟

مانتوفاني

قلب طفله يقول...

الحمدلله ع السلامه :)

mantovani يقول...

قلب طفلة

الله يسلمج و يطول عمرج

مانتوفاني

gawga3a يقول...

لووووووووول

secret يقول...

مكانك فاضي اليوم خيوو

خوش زبيدي :)

و كل عام و انت و ضيوفك بخير و مبارك عليكم الشهر

mantovani يقول...

قوقعة :

عجيييب @@ !

:)

مانتوفاني

mantovani يقول...

سيكرت

عزيزي , انا طايفتني شغلات وايد
بس الالتزامات العائلية اتيي تزامنا مع الاشياء اللي تحب تسويها

و صاحبنا اتصل لما طارت الطيور بأرزاقها ...

رمضان ياي و الفطور و السحور لهم نكهة معاكم

تحياتي

مانتوفاني

Enter-Q8 يقول...


مبارك عليك الشهر و كل عام و انت بخير

nadeen يقول...

تركنا الكويت من ٧ سنين هجرة على كندا ولحد الان مافي مطعم في البلد عاجبنا. ولادي يقولوا "اول ما نرجع الكويت على طول رح نروح على الركن الذهبي". اشتقنا لفطائر الدجاج اكثر شي مافي حد يعملها متله. (صارت دعاية مو تعليق).